ISO 22000:2018 QİDA TƏHLÜKƏSİZLİYİ İDARƏETMƏ SİSTEMİ

ISO 22000:2018 Qida Təhlükəsizliyi İdarəetmə sistemi üçün beynəlxalq standartdır. Bu standart, qida zəncirindəki təşkilatların qida təhlükəsizliyi risklərini idarə edə bilməsi üçün lazım olan tələbləri müəyyən edir. Məqsəd, istehlak zamanı qidanın təhlükəsiz olmasını təmin etməkdir. Qida Təhlükəsizliyi İdarəetmə sisteminin iş prinsipi, qida zəncirindəki bütün mərhələlərdə potensial təhlükələri müəyyən etmək, qiymətləndirmək və idarə etməkdir. Ümumi gigiyenadan, işçilərin şəxsi gigiyena tələblərinə, xammaldan yekun məhsulun istehlakçıya çatdırılmasına qədər bütün mərhələləri əhatə edir. Faydaları təhlükəsiz qida məhsulları istehsal edilməsi, istehsalatda Milli və beynəlxalq qanunlara və tənzimləyici tələblərə uyğunluğun təmin olunması, müştərilərə qida təhlükəsizliyi ilə bağlı yüksək standartlara uyğun məhsulların təqdim olunması, proseslərinn daha səmərəli və təhlükəsiz şəkildə idarə olunmasını təmin etməkdir. ISO 22000:2018 standartı qida zəncirində iştirak edən bütün şirkətlər üçün tətbiq olunur.