ISO 22301:2019 — Biznesin Davamlılığı İdarəetmə Sistemi

ISO 22301:2019 Biznesin Davamlılığı İdarəetmə üçün beynəlxalq standartdır. Bu standart təşkilatlara hər hansı böhran, texniki nasazlıq, təbii fəlakət, kiberhücum və ya digər gözlənilməz hadisələr zamanı fəaliyyətlərini davam etdirmək və ya qısa zamanda bərpa etmək üçün sistemli bir çərçivə təqdim edir. Standartın əsas məqsədi təşkilatın kritik biznes proseslərinin fasiləsizliyini təmin etmək, riskləri azaltmaq və fövqəladə hallara qarşı dayanıqlılığı artırmaqdır.

ISO 22301:2019 standartının əsas faydaları təşkilatın dayanıqlılığının artırılması, əməliyyatların dayanma müddətinin azaldılması, böhran vəziyyətlərində daha sürətli bərpa imkanının yaradılması, risklərin daha effektiv idarə olunması, müştəri və maraqlı tərəflərin etibarının gücləndirilməsi, maliyyə itkilərinin minimuma endirilməsi və ümumi biznes təhlükəsizliyinin artırılmasıdır.

ISO 22301:2019 istənilən ölçüdə və sahədə fəaliyyət göstərən təşkilatlar üçün tətbiq oluna bilər. Xüsusilə banklar, dövlət qurumları, istehsalat müəssisələri, İT şirkətləri və kritik xidmət göstərən təşkilatlar üçün çox vacibdir. Standartın tətbiqi təşkilatlara gözlənilməz fasilələrə qarşı hazırlıqlı olmağa və fəaliyyətlərini davamlı şəkildə qorumağa kömək edir.